അദ്ദിക്ർ

പ്രവാചകന്‍റെ കാലത്ത് ക്രോഢീകരിക്കപ്പെട്ട ഗ്രന്ഥമുണ്ടായിരുന്നില്ല എന്നതിനാ ല്‍ മക്കാമുശ്രിക്കുകളെക്കാള്‍ ഈ സൂക്തം ബാധകമാകുന്നത് 41: 41-43 ല്‍ പറഞ്ഞ മി ഥ്യകലരാത്ത അജയ്യഗ്രന്ഥമായ അദ്ദിക്ര്‍ രൂപപ്പെട്ട ഇക്കാലത്താണ്. അത് മൊത്തം മനുഷ്യര്‍ക്ക് സന്മാര്‍ഗവും ഉള്‍ക്കാഴ്ചാദായകവും തങ്ങളുടെ ഉടമയിലേക്ക് എത്തിപ്പെടാനു ള്ള ടിക്കറ്റും സത്യാസത്യ വിവേചന ഉരക്കല്ലും തെളിവും പ്രകാശവുമാണ്. 42: 17; 55: 7; 57: 25 തുടങ്ങി 4 സൂക്തങ്ങളില്‍ പറഞ്ഞ എല്ലാകാര്യങ്ങളും തൂക്കിനോക്കാനുള്ള ത്രാ സ്സായ അദ്ദിക്ര്‍ പ്രപഞ്ചം അതിന്‍റെ സന്തുലനാവസ്ഥയില്‍ നിലനിര്‍ത്താനും മനുഷ്യരു ടെ ഐക്യം ഊട്ടിയുറപ്പിക്കാനുമുള്ളതാണ് എന്നിരിക്കെ അത് വന്നുകിട്ടിയിട്ട് സ്വയം ഉപയോ ഗപ്പെടുത്താതിരിക്കുകയും മറ്റുള്ളവര്‍ക്ക് ഉപയോഗപ്പെടുത്താന്‍ നല്‍കാതിരിക്കുകയും ചെയ്താല്‍ പ്രപഞ്ചത്തിലുളള സര്‍വ്വചരാചരങ്ങളുടെ കീര്‍ത്തനങ്ങളും പ്രാര്‍ത്ഥനകളും തടഞ്ഞ് പ്രപഞ്ചം നശിപ്പിച്ചതിനുള്ള പാപഭാരം വഹിക്കേണ്ടിവരിക ആശയമറിഞ്ഞ് അത് മൂടിവെക്കുന്ന കപടവിശ്വാസികളും അവരെ അന്ധമായി പിന്‍പറ്റിക്കൊണ്ടിരിക്കുന്ന അനുയായികളുമാണ്. അവരിലെ കപടവിശ്വാസികള്‍ വിചാരണയില്ലാതെ നരകത്തില്‍ പോകുന്നവരാണെന്ന് 4: 145 ലും, അനുയായികള്‍ വിചാരണക്ക് ശേഷം നരകക്കുണ്ഠ ത്തിലേക്ക് തെളിക്കപ്പെടുന്നതാണെന്ന് 39: 71 ലും പറഞ്ഞിട്ടുണ്ട്. 

ഇന്ന് ഒറ്റപ്പെട്ട വിശ്വാസി അദ്ദിക്റിനെ എല്ലാവിധ ആപത്ത് വിപത്തുകളെത്തൊട്ടും രോഗങ്ങളെത്തൊട്ടും നരകക്കുണ്ഠത്തെത്തൊട്ടും കാത്തുസൂക്ഷിക്കുന്ന മുഹൈമിനായി സ്വയം ഉപയോഗപ്പെടുത്തുന്നതോടൊപ്പം നാശനഷ്ടങ്ങള്‍, വരള്‍ച്ച, വെള്ളപ്പൊക്കം, പ്ര കൃതി ദുരന്തങ്ങള്‍, പകര്‍ച്ചവ്യാധികള്‍ തുടങ്ങി മൊത്തം ജീവജാലങ്ങളെ പ്രതികൂലമായി ബാധിക്കുന്ന ദുരിതങ്ങള്‍ തടയുന്നതിനുള്ള മുഹൈമിനായി ഉപയോഗപ്പെടുത്തുക, മാ നുഷിക ഐക്യവും ശാന്തിയുള്ള ജീവിതവും നിലവില്‍ വരുത്തുന്നതിനുള്ള ഉപകരണ മായി ഉപയോഗപ്പെടുത്തുക എന്ന ലക്ഷ്യം വെച്ചുകൊണ്ട് ലോകരില്‍ പ്രചരിപ്പിക്കേണ്ട താണ്. കൂടാതെ 7: 205-206 ല്‍ വിവരിച്ച പ്രകാരം പ്രഭാത പ്രദോഷങ്ങളില്‍ ആത്മാവ് പ ങ്കെടുത്ത് അദ്ദിക്ര്‍ വായിച്ച് മനസ്സിലാക്കുകയും നാഥനെ വാഴ്ത്തിക്കൊണ്ടും പരിശുദ്ധപ്പെടുത്തിക്കൊണ്ടും ഗ്രന്ഥത്തില്‍ 15 സ്ഥലങ്ങളില്‍ വന്നിട്ടുള്ള തിലാവത്തിന്‍റെ സാഷ്ടാംഗപ്രണാമം നടത്തുകയും 1000 സമുദായങ്ങളില്‍ പെട്ട ജീവികള്‍ക്കെല്ലാം ഗുണപ്രദമാകു ന്ന വിധത്തില്‍ ജൈവകൃഷി ചെയ്യുകയും ഫലവൃക്ഷങ്ങള്‍ വെച്ചുപിടിപ്പിക്കുകയും അതി ന് മറ്റുള്ളവരെ സഹായിക്കുകയും പ്രേരിപ്പിക്കുകയും വേണം. കൂടാതെ ത്രികാലജ്ഞാനിയായ നാഥന്‍റെ ത്രികാലജ്ഞാന ഗ്രന്ഥമായ അദ്ദിക്ര്‍ ലോകര്‍ക്ക് എത്തിച്ച് കൊടുക്കുന്നതിന് തടസ്സം സൃഷ്ടിച്ച് അതിനെ മൂടിവെക്കുകയും വളച്ചൊടിക്കുകയും ചെയ്യുന്ന, നാഥന്‍റെ ശാപത്തിനും കോപത്തിനും വിധേയരായ കപടവിശ്വാസികളോടും കുഫ്ഫാറുകളോടും 9: 73; 25: 52; 66: 9 സൂക്തങ്ങളുടെ കല്‍പന അനുസരിച്ച് അദ്ദിക്ര്‍ കൊണ്ട് അധികരിച്ച ജിഹാദ് നടത്തുകയും വേണം. ത്രികാലജ്ഞാനിയായ നാഥന്‍റെ മൊത്തം മനുഷ്യര്‍ക്കുള്ള സന്ദേശമായ അദ്ദിക്ര്‍ ഒരു ജാതി-മനുഷ്യജാതി, ഒരു മതം-പ്രകൃതി ജീ വിതവ്യവസ്ഥയായ ഇസ്ലാം, ഒരു ദൈവം-പ്രപഞ്ചനാഥനായ അല്ലാഹു-എന്ന സന്ദേ ശമാണ് പഠിപ്പിക്കുന്നതെന്ന് 23: 51-53 ല്‍ പറഞ്ഞിട്ടുണ്ട്. 2: 24, 165-167; 3: 108, 187; 9: 67-68 വിശദീകരണം നോക്കുക.